71-ാമത് ദേശീയ ചലച്ചിത്ര അവാര്ഡ് പ്രഖ്യാപിച്ചു. 2023ല് സെന്സര് ചെയ്ത ചിത്രങ്ങളാണ് പുരസ്കാരത്തിനായി പരിഗണിക്കപ്പെട്ടത്. ഉള്ളൊഴുക്കാണ് മികച്ച മലയാള ചിത്രം. ഉള്ളൊഴുക്കിലെ അഭിനയത്തിന് ഉര്വശി മികച്ച സഹനടിയായി. പൂക്കാലം എന്ന ചിത്രത്തിലെ അഭിനയത്തിന് വിജയരാഘവന് മികച്ച സഹനടനുള്ള പുരസ്കാരം നേടി. മികച്ച എഡിറ്റര്ക്കുള്ള പുരസ്കാരത്തിന് പൂക്കാലം എന്ന ചിത്രത്തിലൂടെ മിഥുന് മുരളി അര്ഹനായി. മികച്ച പ്രൊഡക്ഷന് ഡിസൈനര് പുരസ്കാരം മോഹന്ദാസിനാണ് (2018).
