ജപ്പാനിലെ ബാബ വാംഗ എന്ന് വിളിക്കപ്പെടുന്ന മനഃശാസ്ത്രജ്ഞ 2030ൽ കോവിഡ് 19 പോലുള്ള അതിമാരകമായ പകർച്ചവ്യാധി ലോകത്തെ കീഴടക്കുമെന്ന പ്രവചനം നടത്തിയിരിക്കുകയാണ്. ഒരു കോമിക് ആർട്ടിസ്റ്റായ ഒറിയോ തത്സുകിയാണ് ഈ പ്രവചനം നടത്തിയിരിക്കുന്നത്. ഒറിയോ ചില്ലറക്കാരിയല്ല. മുമ്പ് നടത്തിയ മിക്ക പ്രവചനങ്ങളും കിറു കൃത്യമായിരുന്നു.
ഫ്രെഡി മെർക്കുറി, രാജകുമാരി ഡയാന എന്നിവരുടെ മരണങ്ങളും 2011 ലെ കോബെ ഭൂകമ്പം പോലുള്ള പ്രകൃതിദുരന്തങ്ങളും കോവിഡ് -19 പാൻഡെമിക് പോലുള്ള ആരോഗ്യ മുന്നറിയിപ്പുകളും ഒറിയോ തത്സുകി മുൻകൂട്ടി പ്രവചിച്ചിരുന്നു. പ്രശസ്ത ബൾഗേറിയൻ മിസ്റ്റിക്ക് ആയ ബാബ വാംഗയുമായി അവരെ താരതമ്യം ചെയ്യുന്നവർ ഏറെയാണ്. ബാബ വാംഗയുടെ യഥാർത്ഥ പേര് വാംഗേലിയ പാണ്ഡേവ ഗുഷ്ടെറോവ എന്നാണ്. 1996 ൽ 84ാം വയസ്സിൽ അന്തരിച്ചു. തൻ്റെ ദിവ്യദൃഷ്ടിയിലൂടെ നടത്തിയ പ്രവചനങ്ങളിലൂടെ പ്രശസ്തയായി.പന്ത്രണ്ടാം വയസ്സിൽ ഒരു കൊടുങ്കാറ്റിൽ കാഴ്ച നഷ്ടപ്പെട്ട ബാബ വാംഗ തൻ്റെ ഉൾക്കാഴ്ചകളിലൂടെ പ്രശസ്തയായി. അവരുടെ പ്രവചനങ്ങളിൽ 85% വരെ ശരിയാണെന്നു വിശ്വസിക്കപ്പെടുന്നു.
അഞ്ച് വർഷം മുമ്പ് ലോകത്തെ ബാധിച്ചതിന് സമാനമായ മറ്റൊരു മാരകമായ വൈറസ് 2030-ൽ ഉണ്ടാകുമെന്ന് ഒറിയോ തത്സുകി ഇപ്പോൾ പ്രവചിക്കുന്നു. 1999-ൽ പ്രസിദ്ധീകരിച്ച ‘ദി ഫ്യൂച്ചർ ആസ് ഐ സീ ഇറ്റ്’ എന്ന തൻ്റെ പുസ്തകത്തിൽ “ഒരു അജ്ഞാത വൈറസ് 2020-ൽ പടരുമെന്നും, ഏപ്രിലോടെ അതിൻ്റെ ഉച്ചസ്ഥായിയിലെത്തിയ ശേഷം അപ്രത്യക്ഷമാവുമെന്നും,വീണ്ടും 10 വർഷത്തിനുശേഷം പ്രത്യക്ഷപ്പെടുമെന്നും,” അവർ എഴുതിയിട്ടുണ്ട് . ഈ ഭയാനകമായ വൈറസ് “വലിയ നാശം” വിതക്കുമെന്ന് അവർ പറയുന്നു. ലോകത്തിൻ്റെ പലയിടങ്ങളിലും കോവിഡിൻ്റെ പുതിയ വകഭേദങ്ങൾ പ്രചരിക്കുന്ന സാഹചര്യത്തിൽ ഒറിയോയുടെ പ്രവചനങ്ങളെ ഭയത്തോടെയാണ് ലോകം വീക്ഷിക്കുന്നത്.
