കാർമൽ ഗേൾസ് ഹയർ സെക്കൻഡറി സ്കൂൾ
വഴുതക്കാട്
തിരുവനന്തപുരം
ലോക ഗ്രാൻഡ്പേരൻസ് ഡേ, ലോക ഹൃദയ ദിനം എന്നിവയോട് അനുബന്ധിച്ച് വഴുതക്കാട് കാർമൽ ഗേൾസ് ഹയർ സെക്കൻഡറി സ്കൂളിൽ വിപുലമായ പരിപാടികൾ സംഘടിപ്പിച്ചു. സൗജന്യ മെഡിക്കൽ ക്യാമ്പ് വിവിധ കലാപരിപാടികൾ ആദരിക്കൽ ചടങ് എന്നിവ നടന്നു
വയോധികർക്കും മുതിർന്ന പൗരന്മാർക്കും പ്രത്യേക പ്രാധാന്യം നൽകി* നടത്തിയ പരിപാടികൾക്ക് എൽ കെ ജി മുതൽ പ്രൈമറി ക്ലാസിലെ കുട്ടികൾ സ്കൂൾ ഗ്രൗണ്ടിൽ ഒരുക്കിയ ഹൃദയ രൂപരേഖ വരച്ചുകൊണ്ടാണ് തുടക്കമായത്. പരിപാടിയുടെ ഭാഗമായി ലോക്ക് മെഡിസിറ്റിയും സി ശ്രീ നേത്ര കണ്ണാശുപത്രിയുമായി ചേർന്ന് സൗജന്യ മെഡിക്കൽ ക്യാമ്പ് സംഘടിപ്പിച്ചു. വയോജനങ്ങൾ ഉൾപ്പെടെ നൂറുകണക്കിന് പേർ പങ്കെടുത്ത ക്യാമ്പിൽ ജനറൽ മെഡിസിൻ, ഓർത്തോ, ഇഎൻടി തുടങ്ങിയ വിവിധ വിഭാഗങ്ങളിൽ വിദഗ്ദ്ധ ഡോക്ടർമാരുടെ സേവനം ലഭ്യമാക്കി. കൂടാതെ, വിവിധ ടെസ്റ്റുകളും സൗജന്യമായി നടത്തി. കുട്ടികളുടെ മുത്തച്ഛന്മാർക്കും മുത്തശ്ശിമാർക്കും ഒപ്പം നടത്തിയ വിവിധ കലാപരിപാടികൾ വേറിട്ട അനുഭവമായി. തലമുറകൾ തമ്മിലുള്ള സ്നേഹബന്ധം ഊട്ടിയുറപ്പിക്കുന്നതിനും മുതിർന്നവരെ ആദരിക്കുന്നതിനും ഈ പരിപാടികൾ സഹായിച്ചു. സ്കൂൾ ഡയറക്ടർ റവറൻസ് സിസ്റ്റർ റെനീറ്റ, പ്രിൻസിപ്പൽ അഞ്ജന എം. തുടങ്ങിയവർ പരിപാടികൾക്ക് നേതൃത്വം നൽകി.
