തിരുവനന്തപുരം : കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്മെന്റ് (കിലെ) തിരുവനന്തപുരം പ്രസ് ക്ലബുമായി സഹകരിച്ച് മാധ്യമ പ്രവര്‍ത്തകര്‍ക്കും മാധ്യമ വിദ്യാര്‍ത്ഥികള്‍ക്കുമായി ലേബര്‍ കോഡ് ശില്പശാല സംഘടിപ്പിച്ചു. കിലെ ചെയര്‍മാന്‍ കെ എന്‍ ഗോപിനാഥ് ഉദ്ഘാടനം ചെയ്തു. പ്രസ് ക്ലബ് സെക്രട്ടറി പി ആര്‍ പ്രവീണ്‍ അധ്യക്ഷനായ ചടങ്ങില്‍ ഐജെടി ഡയറക്ടര്‍ പി വി മുരുകന്‍, കിലെ സീനിയര്‍ ഫെലോ കിരണ്‍ നാരായണ്‍ എന്നിവര്‍ സംസാരിച്ചു. കിലെ സീനിയര്‍ ഫാക്കല്‍റ്റി അംഗങ്ങളായ വര്‍ക്കിയച്ചന്‍ പേട്ട, എസ് രതീഷ്‌കുമാര്‍ എന്നിവര്‍ ക്ലാസുകള്‍ നയിച്ചു.
