തിരുവനന്തപുരം: അയൽ വാസിയായ യുവാവിനെ മാരക ആയുധം ഉപയോഗിച്ച് വെട്ടിയും ചുറ്റിക കൊണ്ട്‌ അടിച്ചും കൊലപ്പെടുത്താൻ ശ്രമിച്ച കേസില്‍ കരമന പോലീസ് സ്റ്റേഷനിലെ സിവിൽ പോലീസ് ഓഫീസർ സുമേഷിന് എതിരെ വധശ്രമത്തിന് നേമം പോലീസ് എഫ് ഐ ആർ റജിസ്റ്റർ ചെയത് കേസ് എടുത്തു. കഴിഞ്ഞ ദിവസം പള്ളിച്ചൽ പെരിങ്ങമ്മല എസ് എൻ ജംഗ്ഷന് സമീപം അയൽവാസിയായ ബിനോഷിനെ അതിക്രൂരമായി വെട്ടി കൊലപ്പെടുത്താൻ ശ്രമിച്ചു. കൈമുട്ടിനും മുഖത്തും പരിക്കേറ്റ ബിനോഷിനെ അടിയന്തിരമായി നേമം താലൂക്ക് ആശുപത്രിയിലും തുടർന്ന് തിരുവനന്തപുരം മെഡിക്കൽ കോളേജിൽ ചികിത്സ തേടി. പോലീസിൽ പരാതി നൽകിയതിന്റെ അടിസ്ഥാനത്തിൽ പ്രധമിക അന്വേഷണം നടത്തിയ പോലീസ് പ്രതിയായ പോലീസ് ഉദ്യോഗസ്ഥനെതിരെ കേസ് എടുത്തിട്ടുണ്ട്. അതേ സമയം പ്രതിയെ പോലീസ് ഇതുവരെ അറസ്റ് ചെയ്തിട്ടില്ല. പ്രതിയെ രക്ഷിക്കാനായി ശ്രമം നടക്കുന്നതായി സംശയം ഉണ്ട്.
