ഖത്തർ പ്രവാസി ശ്രീ. സന്തോഷ് നമ്പലാട്ട് നിർമ്മാണം നിർവ്വഹിക്കുന്ന ‘കറുത്ത മാനസം’ എന്ന ഹ്രസ്വചിത്രത്തിന്റെ ചിത്രീകരണം അരുവിപ്പുറത്ത് പൂർത്തിയായി. ഏഷ്യൻ ബുക്ക് ഓഫ് വേൾഡ് റെക്കോർഡ് ജേതാവായ ശ്രീ. ശരവൺ മഹേശ്വർ തിരക്കഥയും സംവിധാനവും ഗാനരചനയും നിർവ്വഹിക്കുന്ന ഈ ചിത്രത്തിന് 30 മിനിറ്റാണ് ദൈർഘ്യം.
എഡിറ്റിങ് ജോലികൾ പുരോഗമിക്കുന്ന ഈ ചിത്രത്തിലെ നായകൻ ചിത്രകാരനായ വിശ്വം വരന്തരപ്പിള്ളിയാണ്. സുമിത് രാഘവ്, അനന്ദു, വിഷ്ണു, ശിവനന്ദ തുടങ്ങിയവരാണ് മറ്റ് അഭിനേതാക്കൾ.
പ്രവീൺ ഏണിക്കര ഛായാഗ്രഹണം നിർവഹിച്ച ഈ ചിത്രത്തിന് പുറമെ, ഈ കൂട്ടുകെട്ടിൽ മറ്റ് മൂന്ന് ഹ്രസ്വചിത്രങ്ങൾ കൂടി അണിയറയിൽ ഒരുങ്ങുന്നുണ്ട്. സന്തോഷ് നമ്പലാട്ടിന്റെ നിർമ്മാണത്തിൽ ശരവൺ മഹേശ്വർ സംവിധാനം ചെയ്യുന്ന ‘ആ രാത്രിയിൽ നീലക്കുറുഞ്ഞി പൂത്തില്ല’, ‘ഡമരു’, ‘കലയുടെ കലാധരൻ’ എന്നീ ചിത്രങ്ങളുടെ പണിപ്പുരയിലാണ്. വേറിട്ട പ്രമേയങ്ങളുമായി എത്തുന്ന ഈ പ്രോജക്ടുകളെ ഏറെ പ്രതീക്ഷയോടെയാണ് സിനിമാ ആസ്വാദകർ കാത്തിരിക്കുന്നത്.
