
ഇന്ത്യ – ശ്രീലങ്ക ഉഭയകക്ഷി ബന്ധങ്ങളിൽ പുതിയ ചരിത്രം കുറിച്ചുകൊണ്ട്, കൊളംബോയിൽ നിന്ന് ന്യൂഡൽഹിയിലേക്കുള്ള എൻ.സി.സി സൈക്ലിംഗ് പര്യവേക്ഷണം ഇന്ന് കൊളംബോയിൽ തുടങ്ങി.
ശ്രീലങ്കൻ യുവജനകാര്യ-കായിക മന്ത്രി സുനിൽ കുമാര ഗമാഗെ, മൈത്രി സേതു യാത്രഫ്ലാഗ് ഓഫ് ചെയ്തു. എൻ.സി.സി ഡയറക്ടർ ജനറൽ ലഫ്റ്റനന്റ് ജനറൽ വിരേന്ദ്ര വാട്സ് ചടങ്ങിൽ പങ്കെടുത്തു.
നാഷണൽ കേഡറ്റ് കോർപ്സ് ഏറ്റെടു ക്കുന്ന ആദ്യ രാജ്യാ ന്തര സൈക്ലിംഗ് പര്യവേക്ഷണമാണിത്.
ആദ്യഘട്ടത്തിൽ കൊളംബോയിൽ നിന്ന് ജാഫ്ന വരെ കേഡറ്റുകൾ സൈക്കിൾ ചവിട്ടും. തുടർന്ന് ട്രിങ്കോ മാലിയിൽ നിന്ന് കടൽ മാർഗം കാരയ്ക്കലിൽ എത്തി യാത്ര തുടരും. ഏകദേശം 3,500 കിലോമീറ്റർ ദൂരമാണ് കേഡറ്റുകൾ സഞ്ചരിക്കുക.
2027 ജനുവരിയിൽ പ്രൈംമിനിസ്റ്റേഴ്സ്എൻ.സി.സി റാലിയിൽ ഇന്ത്യൻ പ്രധാനമന്ത്രി ന്യൂഡൽഹിയിൽ പര്യവേക്ഷണ സംഘത്തിന് സ്വീകരണം നൽകും.
ഇരു രാജ്യങ്ങളിലെയും കേഡറ്റുകൾ യാത്രയുടെ ഓരോ കിലോമീറ്ററിലും രണ്ട് രാജ്യങ്ങളുടെ സൗഹൃദമാണ് ഉയർത്തിപ്പിടിക്കുന്നതെന്ന് യാത്ര ഫ്ലാഗ് ഓഫ് ചെയ്ത് സുനിൽ കുമാര ഗമാഗെ പറഞ്ഞു.

ശ്രീലങ്കയിലെ ഇന്ത്യൻ ഹൈക്കമ്മീഷണർ സന്തോഷ് ഝാ യും ചടങ്ങിൽ പങ്കെടുത്തു.
കേണൽ എം. അരുൺ കാർത്തിക് ആണ് സംയുക്ത സംഘത്തെ നയിക്കുന്നത്. ലെഫ്റ്റനന്റ് കമാൻഡർ രാഹുൽ ദാസ് സൈക്ലിംഗ് ടീമിനെ നയിക്കുന്നു. തിരുവനന്തപുരം ആസ്ഥാനമായുള്ളഎൻസിസി കേരള ലക്ഷദ്വീപ് ഡയറക്ടറേറ്റിൻ്റ ആഭിമുഖ്യത്തിലാണ് പരുവേക്ഷണം.
