ബര്മിംഗ്ഹാം: രണ്ടാം ക്രിക്കറ്റ് ടെസ്റ്റില് ഇന്ത്യ ഉയര്ത്തിയ 608 റണ്സ് വിജയലക്ഷ്യത്തിന് മുന്നില് ഇംഗ്ലണ്ട് പതറുകയാണ്. നാലാം ദിനം കളിനിര്ത്തുമ്പോള് മൂന്ന് വിക്കറ്റ് നഷ്ടത്തില് 72 റണ്സെന്ന നിലയിലാണ് ഇംഗ്ലണ്ട് . 24 റണ്സോടെ ഒല്ലി പോപ്പും 15 റണ്സോടെ ഹാരി ബ്രൂക്കുമാണ് ക്രീസില്. ഓപ്പണര്മാരായ ബെന് ഡക്കറ്റ്, സാക് ക്രോളി, ജോ റൂട്ട് എന്നിവരുടെ വിക്കറ്റുകളാണ് ഇംഗ്ലണ്ടിന് നാലാം ദിനം അവസാന സെഷനില് നഷ്ടമായത്. ഇന്ത്യക്കായി ആകാശ് ദീപ് രണ്ടും മുഹമ്മദ് സിറാജ് ഒരു വിക്കറ്റും നേടി. ഏഴ് വിക്കറ്റും ഒരു ദിവസവും കൈയിലിരിക്കെ ഇംഗ്ലണ്ടിന് ജയിക്കാന് 536 റണ്സ് കൂടി വേണം.
