തിരുവനന്തപുരം: അനന്തപുരിയിലെ ക്രിസ്തുമസ്–പുതുവത്സര ആഘോഷങ്ങളുടെ ഭാഗമായി സംഘടിപ്പിക്കുന്ന ട്രിവാൻഡ്രം ഫെസ്റ്റ് പരിപാടിയുടെ പന്തൽ കാൽ നാട്ടുകർമ്മം ഇന്ന് (ഡിസംബർ 16, ചൊവ്വാഴ്ച) ഉച്ചയ്ക്ക് 1.30 മണിക്ക് നടന്നു.
യാക്കോബയ സഭയുടെ പരമാദ്ധ്യക്ഷൻ പരിശുദ്ധ ബസേലിയോസ് ജോസഫ് കാതോലിക്കാ ബാവാ ഈ വിശുദ്ധ കർമ്മം നിർവഹിച്ചു.
ഡിസംബർ 21 മുതൽ ജനുവരി 1 വരെ പാളയം എൽ.എം.എസ് ക്യാമ്പസിൽ നടക്കുന്ന ട്രിവാൻഡ്രം ഫെസ്റ്റിന്റെ മുന്നൊരുക്കങ്ങൾക്ക് തുടക്കം കുറിക്കുന്ന ഈ ചടങ്ങിൽ മത–സാമൂഹിക–സാംസ്കാരിക രംഗത്തെ പ്രമുഖർ പങ്കെടുത്തു.
സി.എസ്.ഐ ദക്ഷിണ കേരള മഹായിടവക, ക്രൈസ്തവ സഭകളുടെ കൂട്ടായ്മയായ ACTS, കേരള ടൂറിസം വകുപ്പ്, വിവിധ ക്രൈസ്തവേതര സാമൂഹിക–സാംസ്കാരിക–ആത്മീയ സംഘടനകൾ എന്നിവയുടെ സംയുക്ത ആഭിമുഖ്യത്തിലാണ് ജാതി–മത ഭേദമന്യേ ഏവരെയും പങ്കെടുപ്പിച്ചുകൊണ്ട് ഫെസ്റ്റ് സംഘടിപ്പിക്കുന്നത്.
