തിരുവനന്തപുരം : കേരള ഭാഷാ ഇൻസ്റ്റിറ്റ്യൂട്ടിൽ സംഘടിപ്പിച്ച ലോകപരിസ്ഥിതിദിനാഘോഷം ഫാം ഇൻഫർമേഷൻ ബ്യൂറോ മുൻ പ്രിൻസിപ്പൽ ഇൻഫർമേഷൻ ഓഫീസറും കൃഷി വകുപ്പ് മുൻ ജോ. ഡയറക്ടറും എഴുത്തുകാരനുമായ സുരേഷ് മുതുകുളം പരിസ്ഥിതി ദിനാഘോഷം ഉദ്ഘാടനം ചെയ്തു സംസാരിച്ചു. ഡയറക്ടർ ഡോ. എം. സത്യൻ പരിസ്ഥിതിദിന സന്ദേശം നൽകി. പരിസ്ഥിതി പത്രപ്രവർത്തകനും ആരണ്യം മാസിക മുൻ അസി. എഡിറ്ററുമായ ബാലശങ്കർ അമ്പലപ്പുഴ പ്രഭാഷണം നടത്തി. അസി. ഡയറക്ടർ എൻ. ജയകൃഷ്ണൻ ആധ്യക്ഷ്യം വഹിച്ചു. പബ്ലിക്കേഷൻ വിഭാഗം അസി. ഡയറക്ടർ ഡോ. സുജാ ചന്ദ്ര പി സ്വാഗതവും റിസർച്ച് ഓഫീസർ വിദ്യ എസ് നന്ദിയും പറഞ്ഞു. തിരുവോണത്തിന് പൂക്കൾ ശേഖരിക്കാവുന്ന വിധത്തിൽ 270 ജമന്തി കളുടെ തൈകൾ ജീവനക്കാർക്ക് വിതരണം ചെയ്തു.
