Flash Story
95 ൻ്റെ നിറവിൽ തിരുവനന്തപുരം സെൻട്രൽ റെയിൽവേ സ്റ്റേഷൻ: ‘സ്റ്റേഷൻ മഹോത്സവ്’ ആഘോഷിച്ചു
വൈറസുകളെക്കുറിച്ചുള്ള ദേശീയ സമ്മേളനം VIROCON 2026 ഇന്ന് (11-11-2026) തിരുവനന്തപുരത്ത് ആരംഭിക്കും
ഇന്ത്യയുടെ സംസ്കാരികപ്പെരുമ വിളിച്ചോതി ഭാരത് പർവ്; കൺടൻ്റ് ക്രിയേറ്റർമാർക്കായുള്ള പിഐബിയുടെ പര്യടനത്തിന് തുടക്കം
ഓപ്പറേഷൻ തൂഫാന്‍: 15830 പേര്‍ അറസ്റ്റില്‍കേസുകളുടെ എണ്ണം 14661 ആയി ഓപ്പറേഷന്‍ തൂഫാന്‍റെ ഭാഗമായി നടത്തിയ പരിശോധനയില്‍
ശബരിമല മണ്ഡല – മകരവിളക്ക് മഹോത്സവം : പോലീസ് സുസജ്ജമെന്ന് മന്ത്രി രമേശ് ചെന്നിത്തല
കാനറാ ബാങ്ക് സാമ്പത്തിക അവബോധ പ്രചാരണം സംഘടിപ്പിക്കുന്നു
രാജ്യാന്തര നിലവാരമുള്ള തൊഴിലും കോഴ്‌സും ഉറപ്പാക്കുക സർക്കാർ ലക്ഷ്യം: മന്ത്രി ബിന്ദു കൃഷ്ണ
ദേശീയപാത 66: ഇഞ്ചക്കൽ – കഴക്കൂട്ടം ഭാഗത്തെ നിർമാണ പുരോ​ഗതി വിലയിരുത്തി

തിരുവനന്തപുരം-കണ്ണൂർ റോഡ് ട്രാൻസ്പോർട്ട് നെറ്റ്‌വർക്ക് സേവനത്തിന് തുടക്കംതിരുവനന്തപുരത്ത് നിന്നും കണ്ണൂരിലേക്കുള്ള തപാൽ വാഹന സേവനം അതിവേഗ പാഴ്സൽ വിതരണത്തിലേക്കുള്ള നി‍ർണായക ചുവടുവെപ്പ് – കേരളാ സർക്കിൾ ചീഫ് പോസ്റ്റ്മാസ്റ്റർ ജനറൽ ശ്രീ അമിതാഭ് സിംഗ്, ഇപ്പോസ്കേരളാ പോസ്റ്റൽ സ‍ർക്കിളിൻ്റെ തിരുവനന്തപുരം-കണ്ണൂർ റോഡ് ട്രാൻസ്പോർട്ട് നെറ്റ്‌വർക്ക് (RTN) സേവനത്തിന് തുടക്കം. തിരുവനന്തപുരം ഫോർട്ട് പോസ്റ്റ് ഓഫീസ് കോംപ്ലക്സിൽ കേരളാ സർക്കിൾ ചീഫ് പോസ്റ്റ്മാസ്റ്റർ ജനറൽ ശ്രീ അമിതാഭ് സിംഗ്, IPoS പരിപാടി ഫ്ലാഗ് ഓഫ് ചെയ്തു. തിരുവനന്തപുരത്ത് നിന്നും കണ്ണൂരിലേക്കുള്ള ആറു ടൺ ശേഷിയുള്ള തപാൽ വാഹനം അതിവേഗ പാഴ്സൽ വിതരണത്തിലേക്കുള്ള നി‍ർണായക ചുവടുവെപ്പാണെന്ന് അദ്ദേഹം പറഞ്ഞു. തിരുവനന്തപുരത്ത് നിന്നും രാത്രി 9 മണിക്ക് പുറപ്പെടുന്ന വാഹനം പിറ്റേന്ന് രാവിലെ 11.50-ഓടെ കണ്ണൂരിലെത്തും. തിരിച്ച് കണ്ണൂരിൽ നിന്നും തിരുവനന്തപുരത്തേക്കും സേവനമുണ്ടാകും. കേരളത്തിലുടനീളം തപാൽ ഉരുപ്പടികൾ തൊട്ടടുത്ത ദിവസം തന്നെ വിതരണം ചെയ്യുന്നത് ഉറപ്പാക്കുന്നതിലേക്കുള്ള ഒരു പ്രധാന ചുവടുവെപ്പാണ് ഈ ഉദ്യമം. തപാൽ വകുപ്പിന്റെ പ്രത്യേക വാഹനം ഉപയോഗിച്ചുള്ള സേവനം തിരുവനന്തപുരം, കൊല്ലം, എറണാകുളം, തൃശ്ശൂർ, കോഴിക്കോട്, കണ്ണൂർ എന്നീ പ്രധാന ന​ഗരങ്ങളെ ബന്ധിപ്പിക്കും. ഗ്രീൻ എക്സ്പ്രസ് പ്രോജക്റ്റിന് കീഴിൽ വൃക്ഷത്തൈകളുടെയും ചെടികളുടെയും തൊട്ടടുത്ത ദിവസം തന്നെയുള്ള വിതരണവും ഇതിലൂടെ ഉറപ്പാക്കും. തിരുവനന്തപുരം RMS ഡിവിഷൻ സീനിയർ സൂപ്രണ്ട് ശ്രീമതി സ്മിത സാ​ഗ‍ർ, ഹെഡ് ക്വാട്ടേഴ്സ് പോസ്റ്റൽ സർവീസ് ഡയറക്ടർ ശ്രീ എൻ.ആ‍ർ.​ഗിരി, തിരുവനന്തപുരം നോർത്ത് ഡിവിഷൻ സീനിയർ സൂപ്രണ്ട് ​ഗോവഡ നവ്യശ്രീ, തിരുവനന്തപുരം സൗത്ത് ഡിവിഷൻ സൂപ്രണ്ട് ശ്രീ അജിത്ത് കുര്യൻ, കേരളാ സർക്കിൾ മെയിൽസ് അസിസ്റ്റൻ്റ് ഡയറക്ടർ ശ്രീ ബൈജുകുമാർ ബി.എൽ, HR വിഭാ​ഗം APMG രാഹുൽ ആ‍ർ തുടങ്ങിയവർ ചടങ്ങിൽ പങ്കെടുത്തു.

Back To Top
onwin