ശരവൺ മഹേശ്വർ കഥ, തിരക്കഥ, സംഭാഷണം, ഗാനരചന എന്നിവ നിർവ്വഹിച്ച് സംവിധാനം ചെയ്യുന്ന പുതിയ ഹ്രസ്വചിത്രം ‘കറുത്തമാനസം’ ആഗസ്റ്റ് 17 ന് റിലീസ് ചെയ്യുന്നു. ഖത്തർ പ്രവാസി സന്തോഷ് നമ്പലാട്ടാണ് ചിത്രം നിർമ്മിച്ചിരിക്കുന്നത്.
വിശ്വം വരന്തരപ്പിള്ളി, ശിവനന്ദ, സുമിത് രാഘവ്, അനന്തു, വിഷ്ണു എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
പ്രവീൺ ഏണിക്കര ഛായാഗ്രഹണവും ഭരത് ഗോവിന്ദ് എം.ജെ ക്യാമറ അസിസ്റ്റന്റായും രുദ്രദേവ് സംഗീത സംവിധാനവും ഗോപകുമാർ പി.ജി മ്യൂസിക് ആർക്കിടെക്റ്റായും പ്രവർത്തിച്ച ഈ ചിത്രത്തിന്റെ കട്ട്സ്, ഡി.ഐ, ടൈറ്റിൽസ്, എസ്.എഫ്.എക്സ് എന്നിവ നിർവ്വഹിച്ചിരിക്കുന്നത് ബിബിൻ വിഷ്വൽഡോൺസ് ആണ്.
വിഷ്വൽഡോൺസ് മൂവി മേക്കേഴ്സ് ആണ് ഡി.ഐ സ്റ്റുഡിയോ. തിരുവനന്തപുരം ഐക്കൺ മീഡിയയിൽ ഡബ്ബിങ് പൂർത്തിയാക്കിയ ചിത്രത്തിന്റെ റെക്കോർഡിസ്റ്റ് നിഷാദാണ്. ചന്ദ്രശേഖരൻ തമ്പാനൂരാണ് പരസ്യകല കൈകാര്യം ചെയ്തിരിക്കുന്നത്.
മികച്ചൊരു ദൃശ്യാനുഭവമായിരിക്കും ‘കറുത്തമാനസം’ പ്രേക്ഷകർക്ക് സമ്മാനിക്കുകയെന്ന് അണിയറപ്രവർത്തകർ പറഞ്ഞു.
