തിരുവനന്തപുരം : അതിജീവന സമരം നൂറാം ദിനത്തിൽ. ഭരണസിരാകേന്ദ്രത്തിന് മുന്നിൽ ആശമാർ ആളിക്കത്തുന്ന 100 തീ പന്തങ്ങളുമായി സമരജ്വല തീർത്തു. തങ്ങളുടെ അതിജീവന സമരത്തെ അവഗണിക്കുന്ന മുഖ്യമന്ത്രി സഭാവാർഷികാഘോഷ ഭാഗമായി വാർത്ത സമ്മേളനം ആരംഭിച്ച സമയത്താണ് ആശമാർ ഭരണ സിരാകേന്ദ്രത്തിന് മുന്നിൽ പ്രതിഷേധജ്വല തെളിച്ച് പ്രതിഷേധിച്ചത്. കെപിസിസി പ്രസിഡൻ്റ് സണ്ണി ജോസഫ് എംഎൽഎ വർക്കിംഗ് പ്രസിഡണ്ട്മാരായ പിസി വിഷ്ണുനാഥ് എംഎൽഎ ഷാഫി പറമ്പിൽ എംപി എം ലിജു തുടങ്ങിയവർ സമരവേദിയിൽ എത്തി ആശമാരുടെ സമരത്തിന് കരുത്തു പകർന്നു. കേരളത്തിൻ്റെ ജന മനസ്സ് ആശമാർക്കൊപ്പമെന്നും സർക്കാർ കാട്ടുന്ന ധിക്കാരത്തിന് കേരള ജനത സമരക്കാർക്കൊപ്പം അണിനിരന്ന് മറുപടി നൽകുമെന്നും അദ്ദേഹം പറഞ്ഞു.
