ഡോ :ജയന്ത സാർക്കറുടെ അകാല നിര്യാണത്തിൽ IISER തിരുവനന്തപുരം അനുശോചിച്ചു
തിരുവനന്തപുരം, 13 സെപ്റ്റംബർ 2026: ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എജ്യുക്കേഷൻ ആൻഡ് റിസർച്ച് (IISER) തിരുവനന്തപുരത്തെ സ്കൂൾ ഓഫ് മാത്തമാറ്റിക്സിലെ അസിസ്റ്റന്റ് പ്രൊഫസർ ഡോ. ജയന്ത സാർക്കറുടെ അകാല നിര്യാണത്തിൽ ഇൻസ്റ്റിറ്റ്യൂട്ട് അതീവ ദുഃഖം രേഖപ്പെടുത്തി.കഴിഞ്ഞ വർഷം ഡിസംബറിലാണ് ഡോ. ജയന്ത സാർക്കർ IISER തിരുവനന്തപുരത്ത് അധ്യാപകനായി ചേർന്നത്. ഇന്ത്യൻ സ്റ്റാറ്റിസ്റ്റിക്കൽ ഇൻസ്റ്റിറ്റ്യൂട്ട്, കൊൽക്കത്തയിൽ നിന്ന് പി.എച്ച്.ഡി. നേടിയ അദ്ദേഹം ഹാർമോണിക് അനാലിസിസ് (Harmonic Analysis) മേഖലയിൽ ഗവേഷണം നടത്തിയിരുന്ന ഗണിതശാസ്ത്രജ്ഞനായിരുന്നു.ഞായറാഴ്ച പുലർച്ചെ IISER തിരുവനന്തപുരം ക്യാമ്പസിലെ റോഡിൽ ഡോ. സാർക്കറെയും അദ്ദേഹത്തിന്റെ മോട്ടോർസൈക്കിളിനെയും കണ്ടെത്തുകയായിരുന്നു. ഉടൻ തന്നെ അദ്ദേഹത്തെ ആശുപത്രിയിലെത്തിച്ചെങ്കിലും, മരണം സംഭവിച്ചതായി ഡോക്ടർമാർ സ്ഥിരീകരിച്ചു. മരണകാരണം സംബന്ധിച്ച് പൊലീസ് അന്വേഷണം നടത്തിവരികയാണ്.ഡോ. ജയന്ത സാർക്കറുടെ അകാല വിയോഗത്തിൽ IISER തിരുവനന്തപുരം സമൂഹം അദ്ദേഹത്തിന്റെ കുടുംബാംഗങ്ങൾ, സുഹൃത്തുക്കൾ, സഹപ്രവർത്തകർ, വിദ്യാർത്ഥികൾ എന്നിവരോട് ഹൃദയംഗമമായ അനുശോചനം രേഖപ്പെടുത്തി.അദ്ദേഹത്തിന്റെ അകാല നിര്യാണം IISER തിരുവനന്തപുരത്തിനും ഗണിതശാസ്ത്ര ഗവേഷണ സമൂഹത്തിനും നികത്താനാകാത്ത നഷ്ടമാണ്.
