കേരള തീരത്തെ എംഎസ്സി എല്സ3 കപ്പലപകടത്തെ തുടർന്ന് 5.97 കോടി രൂപ കെട്ടിവെച്ചെന്ന് മെഡിറ്ററേനിയന് ഷിപ്പിങ് കമ്പനി ഹൈക്കോടതിയെ അറിയിച്ചു. കപ്പലപകടത്തില് നഷ്ടം നേരിട്ട കശുവണ്ടി ഇറക്കുമതിക്കാർ നല്കിയ ഹർജിയിലാണ് നടപടി. കപ്പല് കമ്പനി നല്കിയ തുക സ്ഥിരനിക്ഷേപം നടത്താന് ഹൈക്കോടതി റജിസ്ട്രിക്ക് സിംഗിൾ ബെഞ്ച് നിർദേശം നൽകി. ഒരു വര്ഷത്തേക്ക് ദേശസാത്കൃത ബാങ്കില് നിക്ഷേപിക്കാനാണ് ഹൈക്കോടതി നൽകിയ നിർദേശം.
