അവതാർ മെഗാ ഓണം എക്സ്പോയും പ്രദർശന വിപണനമേളയും  വേൾഡ് മാർക്കറ്റ് മൈതാനിയിൽ : മെഗാമേളയുടെ ഉദ്ഘാടനം ഭക്ഷ്യ പൊതുവിതരണ വകുപ്പ് മന്ത്രി ജി ആർ അനിൽ നിർവഹിച്ചു.

ഓണം അവതാർ മെഗാ ഓണം എക്സ്പോയും പ്രദർശന വിപണനമേളയും ലുലു മാളിനു സമീപമുള്ള വേൾഡ് മാർക്കറ്റ് മൈതാനിയിൽ ആരംഭിച്ചു.മൂന്നാഴ്ച നീണ്ടു നില്കുന്ന മെഗാമേളയുടെ ഉദ്ഘാടനം ഭക്ഷ്യ പൊതുവിതരണ വകുപ്പ് മന്ത്രി ജി ആർ അനിൽ നിർവഹിച്ചു.വാർഡ് കൗൺസിലർ
ഡി ജി കുമാരൻ, എ കെ നായർ, ഷാജി, ലാലു ജോസഫ്, ജി അജയകുമാർ എന്നിവർ പങ്കെടുത്തു.

വേൾഡ് ഓഫ് പണ്ടോരയുടെ അതിശയ വിസ്മയലോകം പുന സൃഷ്ടിക്കുന്ന കാഴ്ചാനുഭവമാണ് ഈ മേളയുടെ പ്രത്യേകത. ആദ്യമായാണ് അവതാർ ആധാരമായ ഈ ഷോ തിരുവനന്തപുരത്ത് പ്രദർശനത്തിന് എത്തുന്നത്. ഒപ്പം അരുമപ്പക്ഷികൾ, വർണ്ണ മത്സ്യങ്ങൾ, അപൂർവജന്തുജാലങ്ങൾ ഇവയുടെ പ്രദർശനവുമുണ്ട്. കുട്ടികൾക്കും മുതിർന്നവർക്കും ഒരുപോലെ ആസ്വദിക്കാൻ – ഉതകുന്ന അമ്യൂസ്മെൻ്റുകൾ, ഗെയിംസുകൾ എന്നിവയും സജ്ജമാണ്. ഫുഡ് ഫെസ്റ്റിവൽ, സസ്യ -പുഷ്പമേള, വാഹനമേള എന്നിവയും മേളയിലുണ്ട്.
അവധി ദിവസങ്ങളിൽ രാവിലെ 11 മുതൽ രാത്രി 10 വരെയും പ്രവർത്തി ദിവസങ്ങളിൽ ഉച്ചയ്ക്ക് 2 മുതൽ രാത്രി 9 വരെയുമാണ് പ്രദർശന സമയം. പങ്കെടുക്കുന്നവർക്ക് ഒട്ടേറെ സമ്മാനങ്ങളുമുണ്ട്. സെപ്റ്റംബർ 14 ന് മേള സമാപിക്കും.