സർക്കാർ ബിന്ദുവിനൊപ്പം; നിരപരാധിയായ ദളിത് യുവതിയെ പോലീസ് കസ്റ്റഡിയിൽ തടഞ്ഞുവച്ച സംഭവത്തിൽ പ്രതികരണവുമായി മന്ത്രി വി ശിവൻകുട്ടി
മാല കാണാതായ സംഭവത്തിൽ ഇരുട്ടി വെളുക്കുവോളം പോലീസ് കസ്റ്റഡിയിൽ തടഞ്ഞു വെച്ച നിരപരാധിയായ യുവതി ബിന്ദുവിനെ പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി സന്ദർശിച്ചു. സർക്കാർ ബിന്ദുവിനൊപ്പമാണെന്ന് മന്ത്രി അറിയിച്ചു. സംഭവത്തിൽ പേരൂർക്കട എസ്ഐയെ സസ്പെൻഡ് ചെയ്തു. കൂടുതൽ അന്വേഷണത്തിനുശേഷം കൂടുതൽ നടപടികൾ ഉണ്ടാകും. സംസ്ഥാന സർക്കാരിന് ജനകീയമായ പോലീസ് നയമുണ്ട്. അത് ലംഘിക്കുന്നവർക്കെതിരെ കർശന നടപടികൾ ഉണ്ടാകും. പോലീസ് സേനയിലെ ചെറിയ വിഭാഗമാണ് മൊത്തം സേനയ്ക്ക് അവമതിപ്പ് ഉണ്ടാകുന്ന രീതിയിൽ പെരുമാറുന്നത്. ഇത് അനുവദിക്കില്ല. […]
ഭേദഗതിയിലൂടെ വഖഫ് സ്വത്തുക്കൾ പിടിച്ചെടുക്കുകയാണ് കേന്ദ്രസർക്കാർ ലക്ഷ്യം; സുപ്രീംകോടതിയിൽ ഹർജിക്കാരുടെ വാദം പൂർത്തിയായി
ന്യൂ ഡൽഹി: വഖഫ് നിയമഭേദഗതി ചോദ്യം ചെയ്തുള്ള ഹര്ജികളില് ഹർജിക്കാരുടെ വാദം പൂർത്തിയായി. ഭേദഗതിയിലൂടെ വഖഫ് സ്വത്തുക്കൾ പിടിച്ചെടുക്കുകയാണ് കേന്ദ്രസർക്കാർ ലക്ഷ്യമെന്ന് ഹർജിക്കാർ വാദിച്ചു. ഒരു നടപടിക്രമവുമില്ലാതെ വഖഫ് സ്വത്തുക്കൾ ഏറ്റെടുക്കാന് അധികാരം നല്കുന്നതാണ് നിയമ ഭേദഗതിയെന്നും ഹർജിക്കാർ വാദിച്ചു. ഏതൊരാള്ക്കും വഖഫ് സ്വത്ത് കയ്യേറി തര്ക്കം ഉന്നയിക്കാനാവും. പഴയ നിയമത്തിന്റെ ആശയം മാറ്റിമറിക്കുന്നതാണ് പുതിയ നിയമ ഭേദഗതിയെന്നും ഹർജിക്കാർ വാദിച്ചു. വഖഫ് സ്വത്ത് രജിസ്റ്റര് ചെയ്തില്ലെങ്കില് എന്ത് പ്രത്യാഘാതമാണ് ഉണ്ടാകുകയെന്നും 1954ന് മുന്പ് സ്വത്ത് രജിസ്ട്രേഷന് […]
കുറ്റാലം കൊട്ടാരത്തിന്റെ അവകാശം കേരളത്തിന് തന്നെ, രാജകുടുംബത്തിന്റെ അവകാശവാദം തള്ളി മദ്രാസ് ഹൈക്കോടതി
മധുര: തമിഴ്നാട്ടിലെ കുറ്റാലം കൊട്ടാരത്തിന് മേല് തിരുവിതാംകൂര് മുൻ രാജകുടുംബത്തിന് അവകാശമില്ലെന്ന് മദ്രാസ് ഹൈക്കോടതി. കൊട്ടാരത്തില് അവകാശവാദം ഉന്നയിച്ച് മുൻ രാജകുടുംബം നല്കിയ ഹര്ജി ഹൈക്കോടതിയുടെ മധുര ബെഞ്ച് തള്ളി. കുറ്റാലം കൊട്ടാരം കേരള സര്ക്കാരിന്റേതാണ് എന്ന തിരുനെല്വേലി റവന്യു ഡിവിഷണല് ഓഫീസറുടെ ഉത്തരവിനെ ചോദ്യംചെയ്ത് സമര്പ്പിച്ച ഹര്ജിയിലാണ് വിധി. കുറ്റാലം കൊട്ടാരം തങ്ങള്ക്ക് അവകാശപ്പെട്ടതാണ് എന്നായിരുന്നു തിരുവിതാംകൂര് രാജകുടുംബത്തിന്റെ വാദം. കുറ്റാലം കൊട്ടാരത്തിന്റെ പട്ടയം തമിഴ്നാട് സർക്കാർ കേരള സംസ്ഥാനത്തിന്റെ പേരിലാക്കിയത് റദ്ദ് ചെയ്യണമെന്നായിരുന്നു ആവശ്യം. […]
മലപ്പുറം കൂരിയാട് ദേശീയപാത 66 ഇടിഞ്ഞ് താഴ്ന്ന സംഭവം;മഴ വെള്ളം നിറഞ്ഞതുമൂലം അടിത്തറയിലുണ്ടായ സമ്മര്ദ്ദം കാരണം:NHAI
മലപ്പുറം: കൂരിയാട് ദേശീയപാത 66 ഇടിഞ്ഞ് താഴ്ന്നുണ്ടായ അപകടം പൊതമരാമത്ത് സെക്രട്ടറി അന്വേഷിക്കും. സംഭവത്തെ കുറിച്ച് അന്വേഷിച്ച് റിപ്പോർട്ട് നൽകാൻ മന്ത്രി മുഹമ്മദ് റിയാസ് പൊതുമരാമത്ത് സെക്രട്ടറിയോട് നിർദേശിച്ചു. ഇതിനായി പൊതുമരാമത്ത് സെക്രട്ടറി അടക്കമുള്ളവർ സ്ഥലം സന്ദർശിക്കും. അപകടവുമായി ബന്ധപ്പെട്ട് ദേശീയപാത അതോറിറ്റി അധികൃതരിൽ നിന്ന് വിവരങ്ങൾ ആരായും. റിപ്പോർട്ട് കിട്ടിയ ശേഷം ആവശ്യമായ നടപടികൾ എടുക്കുമെന്ന് മന്ത്രിയുടെ ഓഫീസ് അറിയിച്ചു. ദേശീയപാത നിര്മ്മാണത്തില് അശാസ്ത്രീയതയില്ലെന്ന് എന്എച്ച്എഐ പ്രോജക്ട് ഡയറക്ടര് പറഞ്ഞു. മഴ വെള്ളം നിറഞ്ഞതുമൂലം അടിത്തറയിലുണ്ടായ […]
വാഗ-അട്ടാരിയില് ഇന്നുമുതല് ബീറ്റിംഗ് റിട്രീറ്റ് പുനരാരംഭിക്കും; ഗേറ്റുകള് തുറക്കില്ല, പരസ്പരം ഹസ്തദാനം ചെയ്യില്ല
പഞ്ചാബ്: ഇന്ത്യാ-പാകിസ്താന് അതിര്ത്തിയായ വാഗ-അട്ടാരിയില് ഇന്നുമുതല് ബീറ്റിംഗ് റിട്രീറ്റ് പുനരാരംഭിക്കും. നിലവിലെ സാഹചര്യത്തില് ഇരുരാജ്യങ്ങളുടെയും സൈനികര് ഗേറ്റുകള് തുറക്കുകയോ പരസ്പരം ഹസ്തദാനം ചെയ്യുകയോ ചെയ്യില്ല. പൊതുജനങ്ങള്ക്ക് ചടങ്ങ് കാണാനായി പ്രവേശനം അനുവദിക്കും. ഇന്ത്യ-പാകിസ്താന് അതിര്ത്തിയില് പഹല്ഗാം ഭീകരാക്രമണത്തെ തുടര്ന്ന് സംഘര്ഷമുണ്ടായ സാഹചര്യത്തില് ബീറ്റിംഗ് റിട്രീറ്റ് ചടങ്ങുകള് താല്ക്കാലികമായി നിര്ത്തിവെച്ചിരുന്നു. ഇപ്പോള് സ്ഥിതിഗതികള് ശാന്തമായതിനെ തുടര്ന്നാണ് ചടങ്ങുകള് പുനരാരംഭിക്കാന് തീരുമാനിച്ചത്. ഇന്ത്യാ പാകിസ്താന് അതിര്ത്തിയായ പഞ്ചാബിലെ അമൃത്സറില് വാഗ-അട്ടാരിയില് എല്ലാ ദിവസവും നടക്കുന്ന ചടങ്ങാണ് ബീറ്റിംഗ് റിട്രീറ്റ്. സൂര്യാസ്തമയത്തോടെ […]
രണ്ടാം പിണറായി സര്ക്കാര് ഇന്ന് അഞ്ചാം വര്ഷത്തിലേക്ക്; ചരിത്രനേട്ടം ആവര്ത്തിക്കാന് ലക്ഷ്യമിട്ട് എല്ഡി എഫ്
രണ്ടാം പിണറായി സര്ക്കാര് ഇന്ന് അഞ്ചാം വര്ഷത്തിലേക്ക്. മൂന്നാമതും തുടര്ഭരണമെന്ന ചരിത്രനേട്ടം ആവര്ത്തിക്കാനുളള സമ്മര്ദ്ദവും പേറിയാണ് അഞ്ചാം വര്ഷത്തിലേക്ക് കടക്കുന്നത്. നിര്ണായകമായ തദ്ദേശ-നിയമസഭാ തിരഞ്ഞെടുപ്പുകളില് വിജയം നേടുക എന്നതാണ് സര്ക്കാരിന് മുന്നിലുളള വെല്ലുവിളി. വികസന-ക്ഷേമ രംഗത്തെ നേട്ടങ്ങളുടെ അകമ്പടിയില് വോട്ടര്മാരെ അഭിമുഖീകരിക്കാനിറങ്ങുന്ന സര്ക്കാരിന് മുറിച്ച് കടക്കേണ്ടത് നിരവധി വിഷയങ്ങള് ചേര്ന്ന് രൂപപ്പെടുത്തിയ ഭരണവിരുദ്ധ വികാരത്തെയാണ്.ഒരു മുന്നണിയുടെ സര്ക്കാരിന് തുടര്ച്ചയായി മൂന്നാം ഊഴം ലഭിക്കുക എന്നത് ചരിത്രനേട്ടമാണ്. എന്നാല് അങ്ങനെയൊരു ചരിത്രം കേരളത്തിനില്ല. പിണറായി വിജയന്റെ ഒറ്റയാള് മികവില് […]
നാല് വയസുകാരിയുടെ കൊലപാതകം: കുട്ടിയുടെ അമ്മ കുറ്റസമ്മതം നടത്തി
എറണാകുളം : മൂഴിക്കുളം പുഴയില് നാല് വയസുകാരിയെ എറിഞ്ഞ് കൊലപ്പെടുത്തിയ സംഭവത്തില് പൊലീസ് എഫ്ഐആര് രജിസ്റ്റര് ചെയ്തു. കുട്ടിയുടെ അമ്മയെ പ്രതിയാക്കിയാണ് കൊലപാതക കേസെടുക്കുക. ചോദ്യം ചെയ്യലില് പ്രതി കുറ്റംസമ്മതിച്ചു. തിരോധാനവുമായി ബന്ധപ്പെട്ട പുതിയ വകുപ്പുകളും ഉള്പ്പെടുത്തും. കുട്ടിയുടെ അമ്മയെ ചികിത്സിച്ച മാനസികാരോഗ്യ വിദഗ്ധരുടെ മൊഴിയും രേഖപ്പെടുത്തും. ഇന്ക്വസ്റ്റ് നടപടികള് പൂര്ത്തിയാക്കിയ ശേഷം മൃതദേഹം പോസ്റ്റുമോട്ടത്തിനായി കളമശ്ശേരി മെഡിക്കല് കോളേജില് എത്തിക്കും. തുടര്ന്ന് മൃതദേഹം ബന്ധുക്കള്ക്ക് വിട്ടുനില്ക്കും. കുട്ടിയുടെ അമ്മ എന്നുമുതലാണ് മാനസിക ആരോഗ്യ ചികിത്സ തേടിയത് […]
മലപ്പുറത്ത് പുതിയ ആറുവരി ദേശീയപാത തകർന്നു വീണു: ഇടിഞ്ഞ് വീണത് സർവീസ് റോഡിൽ 3 കാറുകളുടെ മുകളിലേക്ക്
മലപ്പുറം: നിര്മാണം നടന്നുകൊണ്ടിരുന്ന ദേശീയ പാത 66ലെ ആറുവരിപ്പാത ഇടിഞ്ഞുവീണു. കോഴിക്കോട് – തൃശൂര് ദേശീയ പാതയില് കൂരിയാടിനും കൊളപ്പുറത്തിനും ഇടയിലാണ് അപകടം. കൂരിയാട് സര്വീസ് സ്റ്റേഷന് സമീപം ദേശീയപാതയുടെ ഒരുഭാഗം സര്വീസ് റോഡിലേക്ക് ഇടിഞ്ഞുവീഴുകയായിരുന്നു. സര്വീസ് റോഡിലൂടെ യാത്ര ചെയ്തിരുന്ന കാറിന് മുകളിലേക്കാണ് ആറുവരിപ്പാതയുടെ സംരക്ഷണ ഭിത്തി ഇടിഞ്ഞുവീണത്. മൂന്ന് കാറുകള് അപകടത്തില്പ്പെട്ടു. സംഭവത്തില് ആളപായം ഇല്ലെന്നാണ് റിപ്പോര്ട്ടുകള്. കോഴിക്കോട് നിന്നും തൃശൂര് ഭാഗത്തേക്കുള്ള ഗതാഗതം പൂര്ണമായും സ്തംഭിച്ചു. വാഹനങ്ങള് വികെ പടിയില്നിന്നും മമ്പുറം വഴി […]
മോഷണക്കുറ്റം ആരോപിച്ച് ദളിത് യുവതിക്കെതിരെ പൊലീസ് അതിക്രമം; പേരൂർക്കട എസ് ഐക്ക് സസ്പെൻഷൻ
തിരുവനന്തപുരം: ദളിത് യുവതിക്കെതിരായ പൊലീസ് അതിക്രമത്തിൽ പേരൂർക്കട എസ്ഐ പ്രസാദിന് സസ്പെൻഷൻ. ആഭ്യന്തരവകുപ്പാണ് ബിന്ദുവിന്റെ പരാതിക്ക് പിന്നാലെ എസ് ഐയെ സസ്പെൻഡ് ചെയ്തത്. കന്റോൺമെന്റ് എസിപിയുടെ വിശദമായ റിപ്പോർട്ടിന് ശേഷം തുടർ നടപടികൾ സ്വീകരിക്കുമെന്നും കമ്മീഷണർ അറിയിച്ചു. ജോലി ചെയ്യുന്ന വീട്ടില്നിന്ന് മാല മോഷ്ടിച്ചെന്നാരോപിച്ചാണ് കഴിഞ്ഞ മാസം 23 ന് പേരൂര്ക്കട സ്വദേശി ബിന്ദുവിനെ പൊലീസ് കസ്റ്റഡിയില് എടുത്തത്. വെള്ളംപോലും നൽകാതെ 20 മണിക്കൂറോളം ചോദ്യം ചെയ്യുകയായിരുന്നു. മോഷണക്കുറ്റം സമ്മതിച്ചില്ലെങ്കില് പെണ്മക്കളെ കേസില് കുടുക്കുമെന്ന് പൊലീസ് ഭീഷണിപ്പെടുത്തിയെന്നും […]
ബെയ്ലിൻ ദാസിന് കർശന ഉപാധികളോടെ ജാമ്യം:
ജൂനിയർ അഭിഭാഷകയെ ക്രൂരമായി മർദിച്ച കേസിൽ പ്രതി ബെയ്ലിൻ ദാസിന് ജാമ്യം. തിരുവനന്തപുരം ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് കോടതി 12 ആണ് കർശന ഉപാധികളോടെ ജാമ്യം അനുവദിച്ചത്. കുറ്റപത്രം സമർപ്പിക്കുന്നത് വരെയോ അല്ലെങ്കിൽ രണ്ടു മാസത്തേക്കോ വഞ്ചിയൂർ പൊലീസ് സ്റ്റേഷൻ പരിധിയിൽ പ്രവേശിക്കാൻ പാടില്ല. ഇരയെയോ സാക്ഷികളെയോ ബന്ധപ്പെടാൻ പാടില്ലെന്നും കോടതി ഉപാധി നിർദേശിച്ചു. പ്രതിക്ക് ജാമ്യം അനുവദിച്ചാൽ സ്വന്തം ഓഫീസിലെ ജീവനക്കാരായ സാക്ഷികളെ പ്രതി സ്വാധീനിക്കുമെന്നായിരുന്നു പ്രോസിക്യൂഷന്റെ പ്രധാന വാദം. എന്നാൽ ബെയ്ലിനും മർദനമേറ്റെന്നായിരുന്നു […]