വയനാട്ടിൽ പീഡനത്തിനിരയായ പെൺകുട്ടി ആത്മഹത്യ ചെയ്തു
കൽപ്പറ്റ: വയനാട്ടിൽ പീഡനത്തിനിരയായ പതിനാറുവയസുകാരി ആത്മഹത്യ ചെയ്തു. തിങ്കളാഴ്ചയാണ് പ്ലസ് വൺ വിദ്യാർഥിനി ജീവനൊടുക്കിയത്. വീട്ടിൽ തൂങ്ങിമരിച്ചനിലയിൽ ബന്ധുക്കൾ കണ്ടെത്തുകയായിരുന്നു.
പെൺകുട്ടിയെ പീഡിപ്പിച്ച കേസിൽ ബന്ധുവും അയൽവാസിയും അറസ്റ്റിലായിരുന്നു. സ്കൂൾ അധികൃതരാണ് പീഡനവിവരം പൊലീസിനെ അറിയിച്ചത്. രണ്ട് വർഷത്തിലേറെയായി പെൺകുട്ടി പീഡനംനേരിട്ടുവെന്ന് പരാതിയിൽ പറഞ്ഞിരുന്നു.
